ابراج اليوم السبت 22 يناير 2022 ماغي فرح


نشر من طرف "الأبراج" يوم 22 يناير 2022 الساعة 00:25:56

ابراج اليوم السبت 22 يناير 2022 ماغي فرح

ابراج اليوم السبت 22 يناير 2022 ماغي فرح

محتويات الصفحة

كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم

القمر☽ ♍ بالعذراء وضهر بينتقل لبرج الميزان الهوائي كوكبه الزهرة ..

توقعات برج الحمل اليوم السبت 22 يناير 2022 ماغي فرح


الحمل♈
مهنياً: مو مرتاح بنهارك ومن ضهر نوعا ما افضل ،عندك شوي ضغوطات بنهارك والتزامات حاول تكون هادئ ورايق وبلا عصبية بشغلك ومع اهلك ،وعندك شغل بالبيت في خبر او اتصال يخص شغل وأمور مالية ، ضهر نوعا ما افضل اقتراح او فكرة جديدة ممكن امور تخص شراكة وقصة مالية تخص شريك او شخص مقرب او فرصة لقاء

عاطفياً: فرصة حتى تم شراكة او إعجاب عم تتوضح الرؤية قدامك ببعض الامور ،ممكن يكون في حسم عاطفي لبداية علاقة او نهاية وبالأخص بعد ضهر ،حاول تتجنب المشاكل مع الشريك بنهارك بسبب قلة الاهتمام واللامبالاة حتى ماتوصل لطريق مسدود ، انت بحاجة لشخص يستاهلك ويهتم فيك ، والبعض يمكن يحدد موعد او لقاء ،ممكن يوصلك شيء من الشريك

صحياً: انتبه لزيادة الوزن وشفاء من مرض للبعض او خبر صحي والبعض بتشغلو صحة شريك بيومك

غنيتك اليومعزة نفسي .. صابر الرباعي

للمزيد من المعلومات إضغط هنا

توقعات برج الثور اليوم السبت 22 يناير 2022 ماغي فرح


الثور♉
مهنياً:استغل نهارك قدر الامكان الاجواء لصالحك ،خبر منيح او لقاء ، ناس جديدة وعزيمة المسا عندك شوي التزامات وضغوط حاول تكون بعيد عن النقاشات يلي ماعم توفي بالغرض ،نظم وضعك ورتب امورك منيح وفرصة عند البعض حتى يدخل عمل جديد او شراكة عمل ..عم تتلقى دعم ومساعدة بس قدر الامكان انتبه على صحتك ونفسيتك والمهم لا تتعب حالك بالنقاشات واللقاءات الفاضية

عاطفياً: اجواء ايجابية بيومك بالاخص فترة النهار استغل الحظ لصالحك ،في تواصل واتصالات وحلول لبعض القصص المتعبة ،البعض من الممكن يوصل لاعجاب وارتباط ،يومك بحاجة للمبادرة وتكون رايق بلقاءاتك وبنصحك تبعد عن العلاقات القديمة او المتعبة والبعض صار لازم تحط حد لشريك يلي عم يتعبك لان بعد ضهر في شكوك وردود افعال غير منطقية وعتب ولوم وبالاخص بعض الاسئلة يلي عم تاخد طابع الاستفزاز والتشكيك ،حاول تنتبه لكلامك وتكون بعيد عن أي توتر ، البعض يدخل علاقة وعم يحسم أمر عاطفي ويمكن شخص جديد بيتقرب بس مألوف الك ..

صحياً: حاول تنتبه على صحتك وبالاخص بعد ضهر ممكن في تعب وارهاق بس بعض الاعمال المجهدة او تعب من سفر

غنيتك اليوم يا عسل .. صابر الرباعي

للمزيد من المعلومات إضغط هنا

توقعات برج الجوزاء اليوم السبت 22 يناير 2022 ماغي فرح


الجوزاء♊
مهنياً:قصص عائلية بتشغلك فترة الصبح ومحيطك متعبك وتدريجي امورك عم تكون افضل وتحسن ملحوظ ،حاول تكون هادئ ورايق بنهارك وبالاخص بقصص العائلةوعم يشغلك وضع البيت او عقار وتصليحات وانتبه من اي سوء تفاهم ضمن العائلة وعم تهتم لشخص من البيت او عم تحاول تقنع بفكرة او عقد حاول ضب ايدك على مصاريفك يلي ممكن تكبر خلال هاليومين ،من المسا عم تتحسن امورك وفي خبر حلو او مفاجأة واجواء ايجابية وتواصل وانطلاقة جديدة

عاطفياً: حاول تكون بعيد عن الامور العاطفية خلال النهار وتدريجي امورك بتكون افضل ، بنهارك في عندك ضبابية وماعندك اي تركيز بأمورك العاطفة وافكار غير مرتبة وماعم توصل لنتيجة ما تخلي هاد الشي يوصل لنقاشات ومواجهات مع الشريك حاول تكون صبور بنهارك قد مافيك ، على الاقل لفترة ضهر حتى تلاقي حلول وتخفف الضغوط والحظ بساعدك لارتباط جديد او ممكن عودة قديم ، بعد ضهر افضل واهدا في اتصالات وتواصل وممكن لقاء عم تهدي فيه الوضع اكتر ، البعض علاقة عاطفية عم تطور خلال اليومين القادميين

صحياً: بعدها الامور الصحية عم تشغلك وتشعر بإحباط وقلق وعندك خوف من القادم ،البعض في قصة تخص الانجاب او صحة طفل ...حاول ما تجهد نفسك او شفاء من مرض متعب

غنيتك اليومخسرت كل ناس على شانو .. جورج وسوف

للمزيد من المعلومات إضغط هنا

توقعات برج السرطان اليوم السبت 22 يناير 2022 ماغي فرح


السرطان♋
مهنياً:حاول تستغل فترة نهارك واجواء ايجابية في تواصل كتير واشخاص كتيرة عم تطلع من جو متعب ويوم في عندك اختبار او لقاءات وعلاقات عم تكبر شوي شوي وعم تنشط على السوشيال ميديا ،يوم ليكون عندك تنقلات كتير او فرصة سفر ،حركة للبيع والشراء واتصالات فيها استفادة إلك ونقاش بخصوص امور مالية ، بعد ضهر امور عائلية بتشغلك وقصص بالبيت مدري من وين بطلع ، وقصة بتخص شخص بالعائلة ، اجواء عائلية وعقار بين نقل او تجهيز او تصليحات ،انتبه على اهلك .

عاطفياً: يومك فيه انسجام أكتر واتصالات وتواصل عم تستمر لصبح وأي شيء بأمورك العاطفية خليه بفترة النهار لان المسا بدك تنتبه من سوء تفاهم وحاول لاتكبر القصص وكون دبلوماسي ،بالاخص اذا في نقاشات او قصص قديمة عم ترجع تنفتح حاول تبعد عن الماضي وقصص عائلية عم تدخل بأمورك العاطفية

صحياً: لا تعطي اهتمام لكلام البعض وحاول تنتبه لصحتك او صحة حدا بالعائلة

غنيتك اليوم الفرق كبير .. اصالة

للمزيد من المعلومات إضغط هنا

توقعات برج الاسد اليوم السبت 22 يناير 2022 ماغي فرح


الأسد♌
مهنياً: بتشغلك امور مالية بنهارك ومصاريفك عم تزيد على مستلزمات او حاجيات انتبه من بعض الاعطال حاول ما تعمل شي بنهارك ، وآجل كلشي لبعد ضهر وبتبدا تتخلص من الضغوط والعراقيل وبتتلقى اتصالات او لقاء مهم .. من ضهر فيه حركة وحرية وتنقلات اكتر ممكن تتلقى عزيمة او عم تفكر تجهزاو تشتري شيء ، قصة موبايل او عقار ، وعم تفكر تجهز عمل جديد استغل فترة المسا لصالحك واليومين القادميين في تغيرات ايجابية

عاطفياً: حاول تروق بنهارك وانتبه لكلامك ولا تكون مستفز وبرأيي تكون بعيد عن اي نقاش مع الشريك على الاقل لبعد ضهر ، قدر الامكان انتبه بنهارك من اي سوء تفاهم وانت ماعم تتحمل حكي لهيك من الممكن الامور تكبر ،عم يوجعك راسك من بعض النقاشات يلي اخدت وقت طويل والشكوك الزائدة ،بنصحك ما تخلي بعض الامور الصغيرة تسبب جفا او بُعد واعطي فرصة لشريكك ، من ضهر بتتحسن امورك شوي شوي اذا قدرت تسيطر على الوضع بنهارك وحلول لبعض المشاكل عم تحاول تقنع بوجهة نظرك وفرصة لتحط النقاط على الحروف وتقضي لقاء او سهرة واتصال مع الشريك

صحياً: يومك في تحسن صحي حاول قدر الامكان تبعد عن العصبية والانفعال وتخفف تناول الطعام بنهارك او وقت متأخر ، بعد ضهر انتبه من الحوادث برا وجوا بالبيت من وقعة او جرح او ضربة .

غنيتك اليوم الفرقة مرة .. ايمن زبيب

للمزيد من المعلومات إضغط هنا

توقعات برج العذراء اليوم السبت 22 يناير 2022 ماغي فرح


العذراء♍
مهنياً: بنهارك افضل في راحة وتحسن ،خلص المهم والضروري عندك اهتمامات شخصية ، وعم ترتاح من بعض الضغوط وعم تبدأ بنهارك بلقاء او اتصال ومن ضهر في قصص مالية عم تشغلك بالاخص خلال اليومين القادميين في نقاشات بامور مالية ومستجدات جديدة ، بدك تشتري او تغير شيء لهيك ضب ايدك على مصاريفك و ممكن يوصلك مبلغ هاليومين لتسد فيه احتياجاتك الخاصة ومصاريف والتزامات وجمعيات ..

عاطفياً:استغل نهارك بأجواء حلوة ورمانسية عم تحل مشاكل وتعزز علاقتك في اتصالات ولقاءات حاول ما تاجل شيء بيومك وتقرب من الشريك اكتر ، بعد ضهر حاول تحافظ على الاجواء ولا تتسرع باي قرار وتخفف من نقاشك مع الشريك ، الاعزب حاول لاتضيع وقتك بعلاقات مو الها نتيجة بالاساس انت بتعرف غير منطقية او مو الها مستقبل

صحياً: بعد ضهر عم يكون عندك تعب وجهد عم تقوم فيه ومصاريك على امور صحية حاول تريح حالك قدر الامكان

غنيتك اليوم بحبك والله .. ايمن زبيب

للمزيد من المعلومات إضغط هنا

توقعات برج الميزان اليوم السبت 22 يناير 2022 ماغي فرح


الميزان♎
مهنياً: بعدك بنهارك مو مرتاح وامور ماعم تكمل معك متل موبدك حاول ما تعمل شيء مهم بنهارك واستغل فترة بعد ضهر واليومين القادمين لتغيرات شخصية نهارك محتار وماعم تحصل على الشيء يلي بدك ياه وعم تلاقي عرقلة ببعض المواضيع وماعم تحس براحة نفسية وعم تخانق الكل وعم تعمل سوء تفاهم او مشاكل وحاول تنتبه على صحتك بنهارك ،بتوقع الامور افضل من ضهر ،طاقتك بترجع الك وشوي شوي بتزيد الثقة اكتر وبتتجاوز بعض المتاعب وحلول لمشاكل تعبتك في امور مالية بتشغلك وعزائم وسهرة والاجواء افضل ممكن تحصل على مبلغ هاليومين

عاطفياً: بنهارك في أسئلة كتير وعتب ولوم لا تكبر القصص ومرقها لبعد ضهر ، بتتحسن امورك بشكل تدريجي بيومك ،عندك جاذبية وساحر بحضورك وانشالله في أخبار بتريحك وعم تستفاد من الشريك او من الممكن يوصلك شيء منو استغل فترة بعد ضهر لتقضي وقت مع الشريك باتصال او عزيمة لتحسن وضعك معو ،في بداية لاعجاب وتقارب وانسجام هاليومين وعلاقات اكتر حميمية

صحياً: حاول تنتبه على صحتك باليوم وتاخد احتياطاتك وتكون بعيد عن الاجواء المزدحمة والصاخبة ولا تفكر كتير او تضغط على حالك ،البعض في عندك مصاريف مالية على صحة

غنيتك اليوم كرهتني بالحب .. تامر حسني

للمزيد من المعلومات إضغط هنا

توقعات برج العقرب اليوم السبت 22 يناير 2022 ماغي فرح


العقرب♏
مهنياً: اليوم فايق بكير وعندك قصة او عزيمة من الصبح ولا تأجل شيء لبعد ضهر الامور مو لصالحك ،بنهارك في علاقات اجتماعية وناس مقربين ، عم تتلقى دعوات وعزائم وناس بتحبها خلص امورك بفترة النهار ، بعد ضهر في عندك تأجيل لقصة ومو مرتاح للوضع من بعد الظهر تقريبا في عندك اختبار بوضعك ومؤسسة حكومية او شخص مهم وأمر طارئ لا تتأخر عن اي التزام ولا تعطي اهتمام للكلام يلي عم تسمعو

عاطفياً: استغل نهارك اجواء فيها حب وتواصل وحميمية وعلاقات عم تتحول بالايام القادمة ،حاول تكون مع الشريك بلقاء او اتصال بنهارك ، بعد ضهر حاول تتريث ولا تستعجل ولا تخلي الثقة تتزعزع مع الشريك وتبعد عن المشاكل قدر الامكان وانتبه من المضايقات ولازعاجات ولا تخلي حدا يدخل بوضعك ،كون حريص على امورك العاطفية بعد ضهر من اي سوء تفاهم والبعض في قصة قضائية عاطفية هاليومين

صحياً: بتكون افضل بنهارك وامورك الصحية جيدة ،حاول تطلع وتغير جو وتمارس رياضة او هواية و للبعض في طبيب او مستشفى

غنيتك اليوم مو حالفين نضل سوا .. نور الزين

للمزيد من المعلومات إضغط هنا

توقعات برج القوس اليوم السبت 22 يناير 2022 ماغي فرح


القوس♐
مهنياً: علاقات كتيرة والتزامات وشغل ومركز ومكان منيح قريبا بنهارك مضغوط وماعم تلحق في امور طارئة بشغلك بالبيت حاول تنتبه وتركز مع محيطك او مع حدا من أهلك ، ريح حالك فترة النهار وتدريجيا بيتحسن وضعك بعد ضهر في مساعدة واجواء اجتماعية وتواصل وعزائم وسهرة حلوة وبدي باركلك على شي هاليومين ،وانتظر ورقة مهمة .

عاطفياً: حاول تروق بيومك وبلا انفعال وعصبية وتحسن تدريجي بعد ضهر ، بنهارك مو متحمل حدا وفي شيء ضاغط عليك وكابس على نفسك ، عم يكون في نق وحكي كتير وبتحس عل ابسط الامور عم يعلق ويعمل مشكلة حاول تتفهم الامور وتمرق بعض القصص بفترة النهار قدر الامكان كون دبلوماسي وصلح اي سوء تفاهم ،لاتكون عنيد على قصص من الممكن تمر ،امورك بعد ضهر افضل وفي عندك تطورات عاطفية وعلاقات حميمية ورومانسية وعلاقة صداقة عم تكبر باليومين القادمين

صحياً: لازم تهتم بحالك هاليوم وتعمل تغيرات شكلية ، ريح حالك وانتبه من حساسية جلدية ..

غنيتك اليوم بتعرف شعور .. ادهم النابلسي

للمزيد من المعلومات إضغط هنا

توقعات برج الجدي اليوم السبت 22 يناير 2022 ماغي فرح


الجدي♑
مهنياً: استغل فترة نهارك مدعوم بحظ وطاقة وتواصل واتصالات وعلاقات واجواء حلوة عم تلتقي بناس جديدة ، في حركة وتنقلات ومسؤوليات بشغلك او ضمن العائلة وبالاخص فترة بعد ضهر ،يوم بترتاح فيه من قصة وعم تزيل حمل عن كتافك ،فيه عزائم وتنقلات وسفر اذا ناوي ،حاول تخلص المهم والضروري بنهارك وانتبه على مصاريفك المالية ،فترة من ضهر عم تجهز لاختبار وقصة بتخص شغلك ووظيفتك واجواء اجتماعية رغم الضغوط والمسؤوليات يلي عليك والبعض من الممكن تلتقي شخصية مهمة او مشهورة

عاطفياً: حاول ما تفكر كتير باليوم وخفف نقاشاتك وبالاخص الشريك مو على بعضو او مو رايق حاول تستغل فترة نهارك لتعمل تغيرات على الصعيد العاطفي بلقاء او اتصال وتعالج بعض المشاكل وشخص عم يتقرب منك ، من ضهر حاول تشيل الشكوك من راسك والضبابية يلي عم تسيطر على علاقتك وتعالج بعض المسائل الشائكة بعلاقتك ،لا تكبر الامور وبالاخص هاليومين القادمين ،حاول تساير على قد مافيك

صحياً: في خربطة بجسمك ومو مرتاح للوضع خلال هاليومين ،في تعب وارهاق عم يكون في سهر طويل حاول تنام منيح وتنتبه على صحة حدا مسن

غنيتك اليوم عشق .. فيصل عبد الكريم

للمزيد من المعلومات إضغط هنا

توقعات برج الدلو اليوم السبت 22 يناير 2022 ماغي فرح


الدلو♒
مهنياً: بتشغلك امور مالية بنهارك ومصاريف بيومك ومن ضهر امورك افضل ،يوم للمال والتزامات المالية ،ضب ايدك على مصاريفك وتجهز لاختبار و تنقلات ،اتصال بعيد وسفر قصير ،يوم بتبدا ترتاح من الضغوط والمسؤوليات وانفراج بوصعك ،عم تعيد حساباتك المالية ومبلغ ممكن يوصلك وتسدد بعض الالتزامات والديون اذا عندك ،ممكن تستعيد دين ،يوم فيه بيع وشراء وعم تتسوق وتجيب حاجيات شخصية والبعض من الممكن تسدد ضرائب وقصة اوراق هالفترة ،بتبدا امورك تتحسن من ضهر وترتاح اكتر وعم تتنفس الصعداء ،يوم فيه خبر بخليك متفائل وبيعطيك طاقة وتحسن ،بس ركز على امورك المهنية والقضائية اذا عندك حتى ما تتسبب بمشكلة ،او تنهي عمل هاليومين ..

عاطفياً: مو مرتاح باول نهارك وبحاجة كتير لتستقر لا تتسرع بشيء وحاول تاخد وقتك بعرف انك تعبت بالفترة الماضية حاول تمرق نهارك على خير ، بعد ضهر الامور افضل وبتكون لصالحك ،عم يكون في قرارات عم تاخدها واتصال مهم ،حاول تستغل يومك بأجواء عاطفية ، ساحر وجذاب بتكون كتير حلو ،في اعجاب وارتباط وممكن صدفة بيومك وشخص مهم او مشهور عم تتواصل معو ،وعودة شريك قديم ،البعض ممكن يسافر للقاء شريك

صحياً: كتير بحاجة لتريح جسمك ولا تفكر كتير ونام منيح وخفف شرب منبهات وتدخين

غنيتك اليوم حكيو عينيك .. ريان

للمزيد من المعلومات إضغط هنا

توقعات برج الحوت اليوم السبت 22 يناير 2022 ماغي فرح


الحوت♓
مهنياً: مشغول باول نهارك في شراكات عم تشغلك وامور ضمن البيت ، ومصاريف مالية بيومك على منزل او العائلة ، حاول تهدي بنهارك بشغلك وعلاقاتك وتكون دبلوماسي ولا تكون عصبي حتى ما تتسبب بإنهاء علاقة او شراكة في ضغط شغل عليك ومسؤوليات حاول لا تعصب بالاخص بالبيت ،امورك من المسا افضل في حلول وتغيرات ايجابية وفي مال عم يشغلك هاليومين ممكن تقبض او تسدد مبلغ منيح وتسديد لضرائب وديون ومصاريف على حاجيات وفواتير ،البعض بتشغلك قصة ميراث هاليومين القادمين او قصة قرض او سلفة عم يكون في حكي مع الاهل بأمور ميراث والبعض من الممكن توصلك حوالة

عاطفياً: حاول تهدي باول نهارك ولا تتسرع كتير لازم تفكر قبل ماتاخد اي قرار ممكن تندم عليه او تتراجع عنو بالايام القادمة ، بعرف في امور ماعم ترضيك ،طموحاتك ماعم تتلبى ومجبر على شيء ، الشريك وضعو مو عاجبك وبتحس انو مستهتر وعم يتجاوز كتير الخطوط الحمر ،حاول تهدي بنهارك ،ومن ضهر الامور بتكون افضل عم تلاقي حلول لوضعك العاطفي واعجاب عند البعض ،عم تقضي وقتك بلقاء او سفرة واتصالات طويلة ،حاول قدر الامكان تبعد عن المواضيع القديمة وبالاخص عند المرتبط

صحياً: بتبدا امورك ترتاح فترة بعد ضهر وانتبه من الحوادث اذا عندك سفر هاليومين

للمزيد من المعلومات إضغط هنا



 

أبرز الأحداث الفلكية اليوم


الزواج، الصحة والعمل : ابراج اليوم السبت 22 يناير 2022 ماغي فرح || الحب في الابراج - برج اليوم - الأبراج بالتفصيل و يوميا
عالم الأبراج 2020 - 2021
سيدتي معرفة برجك الأبراج الصينية الأبراج والكواكب التوقعات توقعات هذا الشهر توقعات هذا الاسبوع التوافق بين الأبراج الابراج عاطفيا ابراج اليوم عاطفيا % التوافق العاطفي تغريدات الابراج قارئة الفنجان شريكك المثالي؟ صفات اسمك البحت عن زوج البحت عت زوجة مشاكل عاطفية تفسير احلام