حظك اليوم وتوقعات الأبراج الاربعاء 08 مارس 2023 ماغي فرح

توقعات يوم الأربعاء / 8 / أذار ، مارس/ 2023

القمر ☽ ♎ ببرج الميزان الهوائي كوكبه الزهرة ..
عطارد☿ في برج الحوت حتى 20 مارس أذار .
الشمس في برج الحوت حتى 20 مارس اذار .
الزهرة ♀ في برج الحمل حتى 16 مارس ، أذار .
المريخ♂ في برج الجوزاء حتى 24 مارس ، أذار .
زحل ♄ في برج الحوت ليكمل دورته المعتادة حتى 24 مايو ، أيار 2025 ..
المشتري ♃ في برج الحمل ويستمر حتى 16 مايو ايار .
اورانوس ♅ متقدم في برج بالثور .
بلوتو ♇ متقدم في برج بالجدي حتى 24 مارس ، أذار .
نبتون ♆ متقدم في برج الحوت.

ملخص اليوم
القمر في برج الميزان مما يزيد من طاقة وحيوية الابراج ويكون داعم على وجه الخصوص للابراج الهوائية الجوزاء الميزان الدلو ويعد بتغيرات مهمة للابراج النارية الحمل الاسد القوس .. القمر بالميزان له تأثير على اغلب الابراج مما يزيد المساحات امامنا ويفتح مجالات للهو والمتعة وتسلية واقامة الولائم والمناسبات وسهرات وتجمعات مع الاصدقاء والعائلة طاقة رهيبة للابراج عندما يكون القمر بالميزان نهتم لشكلنا بشكل كبير لتسوق وشراء المستلزمات والاهتمام بعالم الموضا والازياء يوم جيد لقص الشعر وتغيير لونه ايضاً ..

توقعات برج الحمل اليوم الاربعاء 08 مارس 2023 ماغي فرح

الحمل ♈
مهنياً:بيشغلك عقار او جمعية وشراكات بدك تهدي فيا نصيحة الك .. عم تعاني تأجيل وتعب مالي و قصة بتخص حدا بعيلتك او شراكات وعلاقات متوترة .. حاول لا تتخذ قرارات ولا تتسرع حتى ماتوقع بأخطاء او تسمع كلام بحقك او لوم وعتب .. روق قبل ماتتصرف او تطلق الكلام العشوائي لتحسن امورك العائلية وشراكات او لتدخل بشراكة جديدة مالية او مهنية والبعض بيحسم علاقة متعبة ..
عاطفياً:المرتبط في كركبة وانت مو مرتاح حاول لا تفقد ثقة او تروح لحسم عاطفي .. علاقتك بحاجة لحلول ونقاشات سريعة حاول تبادر ولا تتلبك ولا تأجل شي لان في سوء تفاهم والشريك بتحسو مو مهتم وعم يلف ويدور كتير ويلقي بالمسؤوليات والمشاكل عليك .. لاعزب في اعجاب والعين عليك وممكن شراكة جديدة ...
صحياً:عم تعاني قلق بوضعك وفي شي مو مريحك خفف منبهات وسهر وصحة شريك او طفل بتشغلك ..
❤غنيتك❤اليوم:
محلاكي .. حسين ديك

للمزيد من المعلومات إضغط هنا

توقعات برج الثور اليوم الاربعاء 08 مارس 2023 ماغي فرح

الثور ♉
مهنياً:ضغط ومسؤوليات ومصاريف مالية وصحة .. رتب امورك منيح لتلحق لان في كتير شغل اليوم وبالاخص بالبيت وبدك تبذل جهد وطاقة لتخلص .. خبر منيح وبتخلص التزاماتك وتغيرات بشكلك واهتمام صحي وتنقلات بيومك والبعض ممكن يبلش شغل جديد ومال من شغل .. وحتى في لقاءات كتيرة وعم يكون في عزائم وقصص بشغلك وبالبيت ..
عاطفياً:حاول تتقرب من الشريك وخفف من حدة النقاشات وتوترات لا تكبرها احسن ماتفوت بقصص مو وقتها هلق ومو لصالحك .. يمكن في اعصاب مشدودة واهمال من الشريك ساير وضح وجهة نظرك واستغل يومك وكون صبور شوي .. البعض عندو مغامرة عاطفية جديدة واعجاب مبدئي ممكن من ضمن شغلك او قريب الك ..
صحياً:ريح حالك ولا تعب جسمك رغم في تعب وارهاق ونفور للحب وصحة حدا مقرب ..
❤غنيتك❤اليوم:
اتطلع فيي هيك .. كارول سماحة

للمزيد من المعلومات إضغط هنا

توقعات برج الجوزاء اليوم الاربعاء 08 مارس 2023 ماغي فرح

الجوزاء ♊
مهنياً:من افضل الايام بالمال والعاطفة تحسن ايجابي والحظ داعم الك وفرصة حلوة وخبر بريحك .. نفسياً افضل ومتفائل وعم تتجاوز بعض المشاكل بتتخلص منها علاقات اجتماعية وتحسن عائلي وانت مقبل على نقل او تغيير قريباً .. استغل الوقت وخليك سريع بتنفيذ اعمالك المهمة اجواء ولمة وناس جديدة وقصة بتخص الانجاب و اهتمام بالاطفال واوراق وشي بخص سفر ..
عاطفياً:يوم في حب ورومنسية ومغامرات وقديم ع البال .. جذاب وساحر بتكسب قلب شريك ولبعض عندو ارتباط ولقاءات واتصالات واجواء رومنسية والقلب اليوم عم تزيد دقاتو .. عندك خيارات كتيرة ولازم تستغل دعم الحظ لتعمل تغيرات مهمة على صعيدك العاطفي وحاول لا دخل حدا بعلاقتك كون اكتر جدية وفيك تصلح الامور وترتاح ..
صحياً:في شوية اضرابات بجسمك واهتم بصحتك منيح والبعض صحة اخ او طفل بتشغلك ..
❤غنيتك❤اليوم
بتغيب بتروح .. اليسا وراغب

للمزيد من المعلومات إضغط هنا

توقعات برج السرطان اليوم الاربعاء 08 مارس 2023 ماغي فرح

السرطان ♋
مهنياً:قصة مالية وادارية والوضع بالبيت بيشغلك .. قصة بالعيلة بتشغلك تصليح ونقل وتجهيز بعقارات او البعض ممكن يبيع او يشتري وشي بخص سفر .. حاول تتريث وأنتبه تفوت بسوء تفاهم او تعمل مشكلة خلص المهم وضروري ولا تتعاطى مع حدا من اهلك بنقاشات لان بتشغلك قصة حدا من اخواتك او الأبناء .. عندك اهتمامات بيتية وضع عائلي وحل لموضوع عقاري رغم البطئ وتأخير والمصالح والبعض في عزيمة وسهرة بالعيلة وخبر عائلي ..
عاطفياً:حاول تتطلع من جو القلق وتعب ولا تفتح مواضيع مو وقتها هلق يومك متقلب روق وهدي هاليومين لان في قصص عم تشغلك اكتر .. مافي تقدير من حدا وممكن مشاكل العائلية عم تأثر على علاقتك بشريك حاول تتقرب اكتر لتكسب قلبو ونتظر تغيرات عاطفية لصالحك .. يوم بدو هدوء بشكل كبير وتريث ولا تاخد قرار مهم ولا تعتب على حدا .. والبعض عندو لقاء او حدا بالعيلة عم يتقرب منك وتواصل جديد .. وبعض المتزوجين لا تخلي القصص المالية سبب لبداية مشكلة رح تتفاقم لبعدين ..
صحياً:جلوس ورا الشاشات والموبايل قد يسبب مشاكل بالعيون والأعصاب والفقرات ووضع بالبيت او مشفى ..
❤غنيتك❤اليوم
كل حب دنيا ... شيرين

للمزيد من المعلومات إضغط هنا

توقعات برج الاسد اليوم الاربعاء 08 مارس 2023 ماغي فرح

الأسد ♌
مهنياً:في عزيمة ومشوار وتنقلات كتيرة ..في اتصالات عم تعملا وتواصل طويل وتلفونك شغال ولقاءات كتيرة وفي قصة اخ او دعم من اخ اواخت ورفقات كتير وناس جديدة .. يوم في طاقة ايجابية وعم تسمع خبر حلو وفي قصة عقار او امتحان وعم تشغلك قصة سيارة او موبايل وعم تفكر بسفر هاليومين .. حركة كتيرة ومكسب مالي او حوالة ناطرها ولازم تنتبه من الاعطال والحوادث بيومك ..
عاطفياً:في جاذبية وحليان في حب بيكبر ولقاء وتواصل وبداية جديدة استغل يومك .. تواصل واتصالات ونقاشات كتير بحاجة لحلول ولتهدي الوضع وتحسم امورك ولتوصل لحلول مع شريك .. لا تكبر الامور لان كان في توتر وحساسية حاول كتير تنتبه لكلامك ولا تتسرع بحسم الامور رغم في حكي كتير لتوصل لحل والحظ داعم الك .. يوم في شغف عاطفي واتصالات حلوة وصدفة ..
صحياً:بتعاني شوية التهابات بلاخص بالبلعوم ومشاكل اعصاب عند البعض ..
❤غنيتك❤اليوم:
تعا ولا تجي .. فيروز

للمزيد من المعلومات إضغط هنا

توقعات برج العذراء اليوم الاربعاء 08 مارس 2023 ماغي فرح

العذراء ♍
مهنياً:بتحصل على مال بس صرف زايد ومصاريف على عزائم وعلى منزل وعلى قصة حكومية .. عم تفكر بموارد جديدة او مشروع يحسن من وضعك المالي عم يكون في مغامرة وجرئة وأنتبه على مصاريفك يمكن في صرف بلا طعمة اجواء حلوة وناس حواليك .. أنتبه من بعض الاعطال او تأخير ببعض القصص ودفع بالبيت وحاسس بخمول وبدك لتنام كتير ..
عاطفيا:اتصرف بهدوء ودبلوماسية وحاول تقرب وجهات النظر ..الاعزب والمرتبط جديد امورك افضل وفي وقت حلو مع الشريك او اعجاب وممكن تواصل مع شخص قديم وذكريات عم تعود ع البال ..المتزوج والمرتبط بحاجة لمبادرة جديدة لتصلح الوضع وتجاهل تصرفات ناس من حولك .. بعض الاخطاء عم تتكرر وهاشي عم يسبب ازعاج بدي منك تخفف من ردود افعالك مع الشريك وفكر منيح بقراراتك ونقاشاتك وكون اكتر دبلوماسية
صحياً:الجو عم يسبب خمول ونعس وضعف بطاقة ومالك نفس على شي البعض انتبه من كريب ويمكن في مراجعة لطبيب .
انتبه شوي من الجو الي عم يخليك عم تنفخ كتير والبعض عندو كريب وفي مراجعة لطبيب..
❤غنيتك❤اليوم:
كذبك حلو ...ميادة بسيليس

للمزيد من المعلومات إضغط هنا

توقعات برج الميزان اليوم الاربعاء 08 مارس 2023 ماغي فرح

الميزان ♎
مهنياً:تواصل وانفراج وتنقلات وعزائم واكل طيب .. عم تحل مشاكل شخصية ومالية ونشاط وطاقة وبتحدد خياراتك وعم ترتاح من بعض ضغوط والاعباء تنقل قصير وناس جديدة واجواء افضل ومال بيجيك من شغل أو مشروع عم تفكر في وشي بخص صديق او احد الابناء والبعض عندو تواصل بقصد عمل خارجي او سفر وامتحان .. عم تعمل تغييرات بشكلك ونظامك الصحي ويوم حلو لعزائم ولتعمل شي جديد ..
عاطفياً:يوم عاطفي ومدعوم من الفلك الي عم يسلط ضوء عليك بحلول عاطفية وارتباط واعجاب وصدفة .. عم تدعم شريك وعندك رغبة بلاستقرار وممكن خبر بريحك عاطفياً . اذا علاقتك متوتر لازم تحط حد له توتر بشكل سريع لترتاح .. يوم حلو للمصالحة واعتذار ولاعادة روابط والعلاقات والحميمية استغل هاشي لصالحك وعم تقضي وقت بتواصل طويل وعلاقات سرية ..
صحياً:شوية تعب بالمفاصل والعضلات واسفل ظهر والبعض مقبل على عملية بمناطق حساسة او التهابات جنسية .
❤غنيتك❤اليوم
شفتو من بعيد ...يارا

للمزيد من المعلومات إضغط هنا

توقعات برج العقرب اليوم الاربعاء 08 مارس 2023 ماغي فرح

العقرب ♏
مهنياً: مو مرتاح تعبان نفسياً بالبيت وبشغل وقصص مالية وشهرة وسمعة .. لا تعمل شي مهم ولا تحسم وضع وفكر بشي جديد في تقلب ومزاجية وقصة عم تتأجل ولا توثق بحدا .. بتحس بملل وركود وبحاجة لتغيير جديد ولتطلع من هاروتين . يوم في علاقات اجتماعية وشي بخص المال حاول تتجنب المواجهات ولا تفرض رأيك او تحسم شي ولا توثق بمين ماكان ونتبه من بعض المقربين منك وهدي بعلاقتك بلاخص مع شخص مهم او اخ وزيارة لمركز حكومي ..
عاطفياً:خلي امورك سرية بالوقت الحالي ولا تستعجل شوية كركبة وعم تحتار كيف بدك تتعامل بعلاقتك بنصحك اذا الشريك بيستاهل عطي فرصة .. لا تصعد الخلافات اليوم وأنتبه من امر طارئ او مفاجئ وبلا ماتتخذ اي قرار مهم ولا تتردد بالحلول زيد الثقة وخليك هادي وحاول تمتلك زمام المبادرة من جديد بعد عن العصبية والانفعال وناس سلبية وهدي بوضع بالبيت بشكل عام ..
صحياً:انتبه على صحتك في تعب عضلي ونفسي وملل مسيطر عليك بس الامور بتتحسن بشكل تدريجي ..
❤غنيتك❤اليوم
سبت فراغ كبير ..عمر دياب

للمزيد من المعلومات إضغط هنا

توقعات برج القوس اليوم الاربعاء 08 مارس 2023 ماغي فرح

القوس ♐
مهنياً:علاقات كتيرة واجواء حلوة مكان جديد او سياحة وسفر واتصالات .. اجواء حلوة بيومك عم تشوف ناس جديدة ورفقات وعم تنعزم او تعزم وبتستفيد من دعم رفقاتك ومحيطك ولا تتردد اذا بحاجة مساعدة .. لمة حلوة ويمكن حدا يساعدك من رفقاتك بقصة ما مممن شي بخص الاوراق او سفر وحل لقصة صحية وتواصل مع شخص غريب .. نقاشات مالية وممكن تحصل على المال خلي عندك ثقة بحالك انك بتنجح وبترجع لوضعك يوم لتنقلات للعزائم والاصدقاء واكل طيب وسهرة حلوة وحوالة ..
عاطفياً:المرتبط يوم بدو هدوء وبلا ماتفكر كتير لانو ماحدا بيستاهل وانتبه توتر الوضع .. عيد حساباتك من جديد وكون متفهم قلق الشريك ولا تكبر الامور اكتر من هيك ولازم تحط حد لبعض المشاكل لان عم تعاني تعب نفسي وقلق وعدم الاستقرار بالمجمل اليوم فيك تطلع وتغير جو مع الشريك وتقضي سهرة حميمية والبعض علاقات سرية عم تكبر .. الاعزب والمرتبط جديد عم تتطور بعض العلاقات وتحسن بامورك وفرصة لاعجاب وصداقة بتتحول لحب ..
صحياً:بعد عن الالكترونيات وريح عيونك ولا ضل جالس لوقت طويل ..
❤غنيتك❤اليوم:
حبيبي وانت بعيد .. تامر حسني

للمزيد من المعلومات إضغط هنا

توقعات برج الجدي اليوم الاربعاء 08 مارس 2023 ماغي فرح

الجدي ♑
مهنياً:بتقدر تحافظ على سمعتك وتحقق شهرة وشعبية بس لازم تركز باي شغل جديد .. في شغل جديد ومهام جديدة ومسؤوليات عم تكبر وناس وتواصل بس هاشي عم يخليك تتأخر او تأجل بعض الاعمال بسبب امور مالية خلص شغلك لترتاح وانتبه لعلاقاتك او من مشكلة مع حدا من اهلك يمكن أب او اخ كبير او شخص مهم ..علاقات اجتماعية وتنقلات وسفر لشخص مقرب خلص التزاماتك ولا تتأخر او تغيب عن شغلك ومال بيجيك او حوالة للبعض ..
عاطفياً:مانك مرتاح وماعم تلاقي شريك المناسب .. تصرفات الشريك وطريقة كلامو ماعم تريحك بس هاشي مابيمنع تدفع بالوضع بأتجاه الحلول لازم تساير وتكون رايق بعيد عن الانفعال والعصبية .. شكوك حاضرة و يمكن في امور تانية شاغلتك ركود بوضعك وممكن لبعض عم يوصل لتوتر بالعلاقة بلاخص المرتبط جديد .. لا تهتم لكلام حدا حاول تريح الشريك وتهدي اتصالات وعلاقات كتيرة واشخاص من الماضي عم تعود او شخص عم يرجع يحاكيك او شخصية مهمة .
صحياً:لازم تعمل حمية لوزن عم يطلع وبعد عن ناس سلبية وانتبه من مشاكل اسنان ومغص بالبطن ..
❤غنيتك❤اليوم
بحبك وبغار .. عاصي الحلاني

للمزيد من المعلومات إضغط هنا

توقعات برج الدلو اليوم الاربعاء 08 مارس 2023 ماغي فرح

الدلو ♒
مهنياً:يوم عاطفي وتواصل ولقاءات وعلاقات وناس غريبة وموضوع سفر عم يعود من جديد .. بتلاقي حلول لامور قضائية او ادارية واوراق عم تجهزا وفي حركة للاتصالات وبلاخص اشخاص بعيدة او غريبة وخبر حلو كانك ناطرو من زمان .. يوم داعم لتحقق نجاح يمكن في اختبار او امتحان وقصة سيارة او موبايل وعم تغير بعض العادات سيئة الحظ معك لتمتلك زمام المبادرة بمشروع جديد وافكار جديدة عم تعزز مواقفك مع رفقاتك و ناس جديدة وعزائم وتحسن صحي .. استغل الفرص بيوم داعم وحاول لا تتسرع وانتبه على مصاريفك وممكن تحصل على مال ..
عاطفياً:جذاب والعين عليك اعجاب وملفت لنظر ويمكن اعتراف او اتصال غير متوقع او لقاء .. بتطلع من حالتك تدريجي واوقات حلوة ناطرتك وفي تفاهم بيومك او لتقوم بمبادرة لتصلح الوضع وتلاقي حلول .. فرصة أعجاب بيطور لأرتباط بس لمهم تتريث ولا تستعجل بشي .. أتصالات وتواصل بيكتر وممكن من شخص بعيد عنك او اذا مرتبط بشخص من خارج البلد او اذا عم تفكر بسفر للقاء شريك ..
صحياً:خفف تفكير وسهر وحرك حالك وبعد عن العصبية والمنبهات وتدخين ..
❤غنيتك❤اليوم
بغير عليها .. تامر حسني

للمزيد من المعلومات إضغط هنا

توقعات برج الحوت اليوم الاربعاء 08 مارس 2023 ماغي فرح

الحوت ♓
مهنياً:رغم في تعب والتزامات بس ممكن تحصل على مال وتحسن امورك رغم في مصاريف ع البيت والعيلة ودفع على عزائم ومستلزمات تطورات بالبيت .. يوم في انفراج وحلول لمشكلة ويومك بالمجمل مالي بين قبض ودفع وبتتخلص من بعض الاعباء المالية وتسدد فواتير وديون اذا عندك وشي بخص حوالة او ميراث .. انفراج بامور مالية او معاملات بس البعض يمكن عندو نقل وتغيير بقصة عقار ومصاريف عليها .. استغل الفرصة ولا تتأخر بانجاز اعمال وأستغل الوقت وخلص الاشياء ضرورية وضب ايدك شوي .
عاطفياً:بدك تتنازل ولا تكون عنيد ولا دخل حدا بوضعك وشريك وتصرفاتو صرت حافظا طنشوا شوي .. بدي منك تكون دبلوماسي لتحسن وضعك اليوم بلاخص اذا في زعل او جفا لترجع الامور لطبيعتها المهم بلا عناد وعصبية .. ممكن اتصالات وتواصل او بتفكر بلقاء او مشوار مع الشريك والخالي من الحب كتير بحاجة لعلاقة مع شخص يطلعك من وضعك لانك مانك مرتاح وتعبان من جوا .
صحياً:خفف تناول طعام متأخراً ونام منيح وخفف عصبية ..
❤غنيتك❤اليوم
صارت صفر نفسيتي .. حسام جنيد

للمزيد من المعلومات إضغط هنا