توقعات الأبراج شهر يوليو 2021
شهر يبدأ صعب ثمّ تبدأ المعاكسات تخفّ من 9 وطالع ..
يوليو تموز ٢٠٢١:: يبدأ هذا الشهر صعب ودغري عم يواجه المريخ زحل في 1 يوليو ..الزاوية صعبه مع تربيع النحسين لأورانوس .. في توقف لعجلة التطورات عند البعض وكمان انخفاض مستويات الطاقة للحضيض يعني مافي نفس لشي و بلاده بالهمه و بالوقت ومنلاحظ تعب عامّ كون هي المناطق بالفلك مع الكواكب حتأثر ع الدورة الدموية والقلب وزيادة ضغط او انخفاضه ممكن ألم رأس وشقيقه و وجع عيون وبدنا ننتبه لمعدلات الهرمونات طلوع اونزول كمان آلام الظهر والفقرات ..الخ ..هي النواحي كلها ببداية الشهر يعني مابينفع نخبي الموضوع لان النحسين عم يتواجهو بيعملو تربيع تجاه أورانوس المفاجآت وهي الفترة من 1 ل6 الشهر صعبه وبتزداد الحوادث لاسمح الله لهيك ننتبه منيح والحرائق بالعالم بتكتر او نشاط بركاني وهزات أرضيه لكن مندعي انو ما يصير اي شي والكلام فقط تنبيه ..طيب كيف مننتبه هون السؤال ؟؟ الانتباه ع مصادر حرارة والانتباه من ضربات الشمس مراقبة الحالة الصحية للاشخاص يلي عندون شي من الامراض او العوارض اللي ذكرتها الانتباه خلال السفر مثلاً ننتبه بالقيادة واذا سفر مو ضروري مافي داعي الو عالاقل هالكم يوم كمان ناخود فيتامين وحمامات كتيرة ونخفف أكل دسم ونكتر سوائل ونخفف ملح وبهار وصلصات وغيرهم يعني شوية محذورات وان شاء الله الفترة بتعدي ع خير ولا حدا يفكر تهويل والله العظيم من الصبح بعاني من ألم الرأس وعيون وماعم اطلع تحت الشمس لهيك بنصحكم يعني الحذر واجب ومنأجل روحة السياحه والمشاوير عالبحر او غيره خلونا نكتفي ببعض الروتين والاهم ماكتير نشغل تفكيرنا ولانتذكر مواقف او شي مرق معنا مانحاول نصر ع شي يتحقق خلص نترك الامر للقدر والله يتلطف بكل الأمور ونصلي وندعي ونعمل خير وما نحاول نجهد حالنا بشغل لنثبت نفسنا لان ماحد هالفترة حيكافي عملنا الجميل ونريح بالنا كتيررر .. بقدر اكتبلكم لكن بكتفي بهي النصايح ياغاليين ..كوكب الزهرة بيواجه زحل في 6 يوليو كمان ممكن نشعر بحالة من فشل عاطفي وقيود .. لكن لا تستعجلوا شي ..
أخيراً بيبلش شهر يوليو بحلول 9 يوليو ، عندما يولد القمر الجديد في السرطان وينشر الحب في جميع أنحاء الكون.. هاد القمر الجديد هو فرصة مثالية للتخلي عن كل ما أزعجنا وانحسار للظروف الصعبة وهون راح نخطط وننجح ومناسب لقضاء الوقت مع أحباءنا وعيلتنا واللي بدكم .. مع ١٢ يوليو يتشكل تثليث بين عطارد وكوكب المشتري هاد بيجلب أفكار جريئة إلى واقع كل حدا فينا و مشاهدة معرفتك وآفاقك تتوسع كما لم يحدث من قبل .. وبما أن الشمس تشكل تثليث مع نبتون في 15 يوليو تصبح الحياة أسهل وبيسود اللطف والتفاؤل والحب والوفرة ..
تبدأ بعض التغييرات في الظهور بحلول 21 و22 يوليو.. مع دخول كوكب الزهرة إلى برج العذراء بيدا العمل الحقيقي ومن جهة بيكون التعامل مع حياتك العاطفية جدي أكتر .. كوكب الزهرة في برج العذراء قد لا يكون مبهرج أو غزلي كتير ، لكنه ملهم للعمل بجدية أكبر .. ثم تدخل الشمس بيتها برج الأسد الجريء والرومانسي والإبداعي في 22 يوليو ، ما يؤدي إلى ارتفاع درجة الحرارة وهون حان الوقت لنعيش أجواء الصيف الممتعة والخالية من الهموم لان برج الأسد هو برج مثير ومغامر ..اكتمال القمر في برج الدلو 24 يوليو يقوي هاد البدر البصيرة و يلهمنا لصب طاقتنا بشي مفيد ..
ينتهي الشهر ببعض التحولات الفلكية الكبرى في 28 يوليو يعود كوكب المشتري إلى برج الدلو هون فيك تستخدم هي الطاقة لتصبح أكثر جدية بما يخص أهدافك.. مع دخول كوكب المريخ إلى برج العذراء في 29 يوليو سوف يعدنا بشهر مثمر للغاية في أغسطس اللي يعتبر من افضل أشهر عام ٢٠٢١..
ولهداك الوقت بتمنالكم الكثير من الحظ والوفرة والسعادة والمحبة .