برج الميزان 2020

بـــــ_الميزان_ــــرج_2020 مـــع الفلكي_ثابت_الحسن
عام الإختيارات الصعبة
عام فيه أحداث مهمة بتضطر فيه لإتخاذ قرارت مهمة و صعبة لكنها رح تصب في مصلحتك إن أحسنت الإختيار .مع بداية العام رغم كل ما يبدو لكل من صعوبات لكنك تستطيع بقدراتك الذاتية و بمساعدة من حولك من أصدقاء مخلصين تجاوز بعض الصعوبات يلي ممكن تمر فيها بالفترة الأولى من العام بتعطي اهتمام ملحوظ بأمورك الصحية و بتحاول تعمل برنامج صحي مكثف بتلتزم فيه حتى تتحسن صحتك و يرجعلك النشاط و الحيوية .
الشهر الثاني و الثالث
بستعيد نشاطك و قوتك شيئا فشيئا و بتكسب طاقة إيجابية كبيرة خصوصا من الأهل و العائلة بيوقفو لجانيك و بمدوك بالدعم اللازم إلك , استغل هالدعم و القوة و بتحصل على مبلغ مالي حافظ عليه و لا تصرفه حتى تلاقيه بوقت الضيق و خصوصا خلال النصف الأول من شهر شباط حتى تقوى على مواجهة بعض العقبات يلي ممكن ترجع تعترضك في النصف الثاني من شهر شباط , بتشعر بالوهن و الضعف و قلة النشاط و هاد الشيء رح يأثر على عملك و مكاسبك المادية أما مع بداية شهر آذار بتحصل على دعم من شخص إلك زمان ما تواصلت معه و بيوصلك منه مبلغ مالي بخليك توقف على رجليك من جديد .
عاطفيا : عم يوقف الشريك لجانبك و يساعدك لكن ممكن يوجهلك بعض الإنتقادات و الملاحظات ليعبرلك عن عدم رضاه عن طريقة تعاملك مع الأمور .
الشهر الرابع و الخامس
فترة ممتازة بتهتم فيها بزيادة قدراتك و إمكانيتك و خصوصا العلمية و الذهنية و ممكن تحضر دورات مكثفة و تقوم بقراءة كتب إلها علاقة بالأمور الدينية , عندك كتير أسفار لكسب المزيد من الأرباح و بتزيد مواردك المالية , بتفكر بشراء عقار أو تشتري سيارة حديثة , بتكتر خيراتك و ممكن تكون إنت المنقذ لبعض الأشخاص يلي هنون بحاجتك .
عاطفيا : فترة جيدة جدا على الصعيد العاطفي بتحرز تقدم على هذا الصعيد و بتقدر تعبر للحبيب عن حبك و مشاعرك , بتدرس فكرة إرتباط جدي و لكن بتأجل الإعلان عنها لشهر تشرين ثاني .
الشهر السادس أو السابع
حاول بهي الفترة تخفف من اللقاءات و الإجتماعات يلي ممكن تعرضك للأضواء, بتظهرلك بعض المشاكل يلي ما كانت بالحسبان و خصوصا بأشياء متعلقة بالقانون أو أمور حكومية ممكن تتعرض للمساءلة و بينطلب منك توضيح بعض الأعمال يلي قمت فيها , بخف حماسك و بتشعر إنك بحاجة لشخص قوي يمدك بالعون و المساعدة .
عاطفيا : بهي الفترة عندك قرار مهم لازم تتخذه ممكن تنهي علاقتك مع الشريك أو تقرر الإبتعاد لفترة حتى تقرر فيما إذا بتحافظ على علاقتك العاطفية أو بتتخلى عنها .

الشهر الثامن و التاسع
فترة ممتازة على الصعيد الإجتماعي و العملي عم تقدر تركز قواعدك و تزيد شهرتك عم يتم تداول إسمك بكثرة خلال هي الفترة من العام و خصوصا بشهر آب , بتعزز إرتباطك بالأصدقاء و بكونو هنون مصدر القوة إلك وبتكسب منون طاقة إيجابية كبيرة .
في النصف الثاني من شهر آب و النصف الأول من شهر أيلول تظهر طاقتك الكبيرة و بتلمع على الصعيد العملي و الفرصة مناسبة للترقي الوظيفي .
بالنصف الثاني من شهر آيلول انتبه من المكائد و الأعداء و الحاسدين .
عاطفيا : إهتمامك بالشريك و تعبيرك عن محبتك له و الود رح يخليك تكسب محبته و تحل معه كل المعضلات يلي ممكن تواجهكم .
الشهر العاشر و الحادي عشر
حافظ على أعملك و على وتيرة محددة ضمن تنظيم مناسب للوقت و أنجز أهم أعمالك دون تأخير و استغل الفترة الأولى من شهر تشرين أول , مع بداية شهر تشرين ثاني ممكن تزيد مصاريفك و تنفق أمولك على أمور طارئة كإصلاحات منزلية أو أشياء ضرورية بحياتك متل سيارة أو موبايل , خلال شهر تشرين ثاني بتتراجع مكاسبك بسب قلة اهتمامك بالعمل و انشغالك بأمور شخصية و ممكن تضطر لزيارة الطبيب و تعمل بعض الفحوصات الضرورية .
عاطفيا : خلال شهر تشرين اول ممكن تكتر خلافاتك مع الحبيب و تلاقي صعوبة بالتوصل معه لحل مرضي للجميع على عكس ذلك تماما في شهر تشرين ثاني عم تكون من أفضل الفترات خلال العام للتعبير عن محبتك و تقوم بإعلان إرتباط أو زواج .
نهاية العام
بيزداد بنهاية العام اهتمامك بالأهل و الأخوة و بتحاول تصلح بعض المواقف يلي سببت خلاف مع البعض من المحبين إلك , بتنشر المحبة و الإلفة ضمن الوسط المحيط فيك و هاد بيكسبك شعبية كبيرة و بينعكس عليك إيجابيا على معظم الأصعدة .
عاطفيا : محبة و تفاهم بينك و بين الشريك و هاد بيعطيك حافز و طاقة للعطاء بشكل أفضل .
والله اعلم